Bütöv Azərbaycan Ocaqları (BAO) Azərbaycanın Kollektiv Təhlükəsizlik Müqaviləsi Təşkilatına daxil olması məsələsi ilə bağlı bəyanat yayıb. Bəyanatın mətni aşağıdakı kimidir:
Bütöv Azərbaycan Ocaqlarının (BAO)
BƏYANATI
Məlum olduğu kimi son vaxtlar ictimaiyyətdə Azərbaycan Respublikasının Kollektiv Təhlükəsizlik Müqaviləsi Təşkilatına (KTMT) daxil olması haqqında müzakirələr gedir. Hətta bəzi rəsmi şəxslərin dilindən bu addımın mümkünlüyü haqqında fikirlər səslənir. Dövləltimiz üçün taleyüklü bir məsələ olduğundan bu məsələyə münasibət bildirməyi vacib bilirik.
Biz Bütöv Azərbaycan Ocaqları (BAO) olaraq hesab edirik ki, Azərbaycan Respublikasının KTMT-na daxil olması dövlət müstəqilliyimizi məhdudlaşdırmaqla nəinki dövlət və milli mənafeyimizə ziddir, hətta bu cür fikirlərin səslənməsi belə Azərbaycan dövlətinin keçdiyi milli mücadilə yoluna, milli-ideoloji dəyərlərimizə, şəhidlərimizi tökülən qanına sayğısızlıqdır.
Bütöv Azərbaycan Ocaqlarının
Mərkəzi Şurası
Bakı, 19.09.2018.
1580