Bütöv Azərbaycan Ocaqlarının (BAO) 28 may – respublika günü
münasibəti ilə Azərbaycan xalqına
bayram təbriki
Əziz həmvətənlərimiz!
28 may günü xalqımızın tarixində ən şərəfli günlərdən biridir. 96 il öncə - 1918-ci ilin məhz bu günü müsəlman şərqində ilk respublika – Azərbaycan Xalq Cümhuriyyəti (AXC) qurulmuşdur. AXC-nin mövcud olduğu iki il ərzində ölkədə çox mühüm milli-demokratik islahatlar aparılmış və həmin dövr tariximizin ən şanlı səhifələrindən birinə çevrilmişdir. 1920-ci ildə süquta uğradılan respublika 71 il sonra – 1991-ci ildə xalqımızın iradəsi ilə yenidən bərpa edilmiş və ulu öndərimiz M.Ə.Rəsulzadənin “bir kərə yüksələn bayraq bir daha enməz” şüarı öz yerini almişdır.
Əziz həmvətənlərimiz!
Sizi bu böyük bayram münasibəti ilə təbrik edir və inanırıq ki, uğrunda mübarizə apardığımız Bütöv Azərbaycanda bütövlük bayramını qeyd edəcəyimiz gün də uzaqda deyil.
Bütöv Azərbaycan Ocaqları
Bakı, 27.05.2014.
www.bao.az
ocaqlar@bao.az
ocaqlar@mail.ru
