İranda fars şovinist çevrələri dünən vəfat etmiş güneyli yazıçı, ana dili hərtəkatının tanınmış siması Rza Bərahəniyə qarşı təbliğata başlayıb. Panfarsistlər onu "satqınlıq"da ittiham edir.
Onlar Rza Bərahəninin mühacirətdə İranda türk dilini olan basqılarla bağlı yazılarını və müsahibələrini "İrana xəyanət" kimi dəyərləndirirlər.
Qeyd edək ki, ünlü yazar verdiyi müsahibələrdə İranda qeyri-fars dillərinin sıxışdırıldığını bildirib. O, məktəb illərində türkcə yazdığı inşaya, hazırladığı divar qəzetinə görə üzləşdiyi basqılardan danışıb.
“Rza Bərahəninin yalanları insanı təəccübləndirir. O, bir ömür fars dilinin çörəyini yeyib, farsca yazdığı əsərlərlə tanınıb. Ancaq türk dilinin rəsmi dil olmaması, o dildə təhsilin qadağan edilməsinin Beynəlxalq İnsan Haqları Konvensiyalarına zidd olmasını iddia etməsi qəribədir”-deyə, fars millətçiləri sosial mediada paylaşımlar edirlər.
Onlar türk yazıçının öz oğluna türkcə Oktay adı seçməsini İran və fars mədəniyyəniə zidd hesab edib, bunu ona irad tuturlar.
“Maraqlıdır ki. Rza Bərahəni öz oğluna Çingiz xanın oğlunun adı olan Oktay adını qoyub”-deyə, panfarsistlər yazıblar.
Bununla yanaşı İran televizyasının keçmiş aparıcısı Selamə Seyidniya Bərahəninin ölüm xəbərindən sevndiyini bildirən paylaşım edib.
"Çox gözəldir yuxudan durub və eşidəsən ki, Əzrail daha bir xaini özü ilə aparıb. Dahada çox aparsın"-deyə, yazıb.
Qeyd edək ki, Kanadada mühacirətdə yaşayan güneyli yazıçı Rza Bərahəninin martın 25-də vəfat edib.
Gunaz.tv.
1695