MHP-nin Ankara millət vəkili, seçim hökumətində baş nazir müavini vəzifəsi verilmiş Toğrul Türkeş partiyasının onu xaric etmə qərarına tabe olmayacağını açıqlayıb.
Türkiyə mətbuatına danışan Türkeş istefa verməyəcəyini deyib.
"İstefa verməyəcəm. Onlar da məni partiyadan çıxara bilməz."
Qeyd edək ki, bir neçə gün öncə, Toğrul Türkeş müvəqqəti seçki hökumətində nazirlik təklifi alacaq deputatların partiyaları daxilində "xain" elan ediləcəyini söyləmişdi. Türkeş Dövlət Bağçəlinın bütün variantlara qapını bağlama davranışını da tənqid etmişdi.
"Hökumətə qatılana "satqın" deyəcəklər, amma dövlət iki ay yarımdır ki, hökumətsizdir. Dövlət bəy deyir ki, müvəqqəti hökumətə nazir vermirik. Onu etməyək, bunu etməyək deyir. Yaxşı bəs nə edək, axı iki ay yarımdır Türkiyədə hökumət yoxdur."
MHP-nin nizamnaməsinə görə, partiyanın intizam komissiyasına cəlb edilən Toğrul Türkeş haqqında ən geci 15 gün ərzində araşdırma aparılmalır. Ən geci iki ay ərzində də qərar verilməlidir. Əks halda Türkeş partiyadan çıxarıla bilməz.
0
1154