Almaniyanın daxili işlər naziri Tomas De Mezyer açıqlama yayıb. Açıqlamada Afrikadan və Suriyadan Almaniyaya gələn qaçqınların sayının dörd dəfə artması vurğulanır.
Avropalı analitiklər deyir ki, vəziyyət çox çətindir. İkinci Dünya müharibəsindən bu yana Avropa hələ belə vəziyyətlə qarşılaşmayıb.
Avstriyada maşında boğularaq ölən qaçqınların faciəsindən sarsılan BMT Baş Katibi Pan Gi Mun belə faciələrin qarşısını almaq üçün təcili tədbirlər görməyə çağırıb.
Vaşinqton da öz növbəsində, AB-də qaçqınlara kömək etməyi, təhlükəsizliyini təmin etməyi xahiş edib.
Fransanın Milli Cəbhə partiyasının lideri Marin Le Pen isə problemin kökünü Qərbin iflas etmiş xarici siyasətində görüb. Onun fikrinə görə Qərb Suriyadakı vəziyyəti qeyri-stabil hala gətirməsəydi bunlar baş verməzdi. O, kinayə ilə deyib ki, “İndi baş verənlərə görə, bizə ancaq Sarkozi və Ollanda təşəkkür etmək qalır.”
0
1154