BÜTÖV AZƏRBAYCAN OCAQLARI
GADP və AZOH-dan ortaq bəyanat: Bu can sənə qurban, Azərbaycan!

01:41 / 06-04-2016   /   baxış - 737

Güney Azərbaycan Demokrat Partiyası (GADP) və Azərbaycan Öyrənci Hərəkatı (AZOH) Cəbhədə baş verən son olaylarla bağlı ortaq bəyanat yayıb. Bəyanatın mətni aşağıdakı kimidir:

İşğalçı Ermənistan silahlı qüvvələri Azərbaycanın işğal olunmuş ərazilərində Azərbaycan ordusunun mövqelərini atəş tutması nəticəsində qəhrəman ordumuz 29 şəhid verərək düşmənin hücumlarının qarşısını alıb.

Birinci Qarabağ savaşı zamanı işğal edilmiş ərazilərimizi Güneyli-Quzeyli Azərbaycan xalqının milli məsələsi görür və daim ərazi bütövlüyümüzü müdafiə edirik. Eyni zamanda xalqımızın qəhrəman ordusunun son günlər işğal edilmiş ərazilərimizə doğru irəlləməsi bizi çox sevindirir, gecdə olsa düşmənə ordumuzun savaş ruhunu zəifləmədiyini göstərdi.

Biz millət olaraq qəlblərdə heç zaman parçalanmamışıq yalnız xəritə üzərində düşmənlər bizi bölüblər. Ermənilər isə bizim bütövlüyümüzü hədəfə alaraq haqsız olaraq ərazilərimizi işğal edib. Bütün beynəlxalq təşkilatların çıxardığı qərar və qətnamələrə baxmayaraq öz cinayətkarlıqlarından əl çəkmirlər, təssüfki adını İslam dövləti qoyan İranda həmişə müsəlman-Türk qatillərinə yardım edir. Azərbaycan milli məsələsini isə diplomatik yolla yalniz sözdə dəstəkçi olduğunu deyir.

Biz Güney Azərbaycan Demokrat partiyası və AZOH təşkilatı olaraq Güney Azərbaycan Türkləri Quzey Azərbaycanın ərazi bütövlüyünü dəstəkləyir və vətənmiz Azərbaycanın hər qarış torpağını canımız qədər əziz sevirik. Hazırda Qarabağ cəbhəsində gedən döyüşləri Azərbaycan ordusunun haqq savaşı kimi görür və qəhrəman ordumuzun ərazi bütövlüyünü bərpa edərək Erməni quldurlarından təmizləyəcəyinə tam inanırıq.

 

Bütöv Azərbaycan arzusu ilə,

Qarabağ bizimdir, Bizim qalacaq!

 

Güney Azərbaycan Demokrat partiyası- GADP

Azərbaycan Öyrənci Hərəkatı- AZOH

05.04.2016.