BÜTÖV AZƏRBAYCAN OCAQLARI
BAO Xamneyiyə “dəstək aksiyası” ilə əlaqədar bəyanat yayıb

23:52 / 15-01-2018   /   baxış - 756

Bütöv Azərbaycan Ocaqları (BAO) bir qrup iranpərəst şəxsin İran səfirliyi qarşısında keçirdiyi Xamneyiyə "dəstək aksiyası" ilə əlaqədar bəyanat yayıb.  Bəyanatın mətni aşağıdakı kimidir:

 

Bütöv Azərbaycan Ocaqlarının

BƏYANATI

 

13 yanvar 2018-ci il tarixində Azərbaycanda "aksiya" keçirərək, İran İslam Respublikasının ali lideri Xameneyini rəhbər adlandırmaları və onun düşmənlərinə ölüm hayqırmaları cəmiyyətimizdə normal qarşılanmadı. Burada diqqət çəkən əsas məqam ondan ibarətdir ki, müstəqil bir dövlətin vətəndaşları İran İslam Respublikasının lideri Seyid Əli Xameneyini özlərinə rəhbər adlandırıb, İran vətəndaşı kimi danışırdılar. Kim idi bunlar? Bunlarmı dini kəsimi təmsil edirdilər?

Əslində, ölkəmizdə dindarlara qarşı həmişə müsbət münasibət olubdur. Amma bu o demək deyildir ki, hər hansı bir dindar başqa bir ölkənin vətəndaşı kimi çıxış etsin.

Birincisi,İran İslam Respublikası islamın təmsilçisi ola bilməz. İkincisi, İran İslam Respublikasının öz vətəndaşları başda Xameneyi olmaqla aparılan iqtisadi-siyasi proseslərdən bərk narazı idi və nəticədə də küçələrə axışdılar. Üçüncüsü İran dövləti bu gün Azərbaycanın ərazilərini işğal altında saxlayan Ermənistanın müttəfiqidir və İran rəsmiləri tez-tez Ermənistana səfərlər edirlər. Xameneyi isə Ermənistanla dostluq əlaqələrinin mövcudluğunu 35 milyonluq azərbaycanlılardan ehtiyat etmələri ilə bağlı olduğunu əsaslandırmışdır. Bu gün İranda 35 milyonluq azərbaycanlı ana dilində təhsil almaqdan məhrumdurlar. Quranı əlində bir vasitəyə çevirən İran mollaları bu mənada İslam dininin təmsilçisi qismində çıxış edə bilməzlər. Hələ bu azmış kimi, bu gün İran Ermənistana iqtisadi yardımlar etməklə, təcavüzkarla bir cəbhədən çıxış etmiş olur. Dördüncüsü isə, bir qrup iranpərəst ölkəmizdə olan şiə əhalinin maraqlarını təmsil edə bilməzlər. Bizim dini kəsimə böyük hörmətimiz vardır. Allaha, Qurana, Peyğəmbərə bağlı insanlarıq. Amma bir kəsim iranpərəstlər ölkədə belə təbliğat aparırlar ki, guya İran islamın mərkəzidir.

Bu cür “aksiyalar”ın keçirilməsi həm də sübut edir ki, İran öz çirkin əməllərindən hələ də əl çəkməyib, din pərdəsi altında Azərbaycan Dövlətçiliyinə qarşı öz təcavüzkar siyasətini davam etdirir.

Bütöv Azərbaycan Ocaqları (BAO) olaraq biz bu cür “aksiyalar”ın keçirilməsini pisləyir və Azərbaycanın hüquq-mühafizə orqanlarına bu cür məsələlərdə daha ayıq olmalarını tövsiyə edirik. Onu da vurğulamağı özümüzə borc bilirik ki, bu aksiyanın torpaqları erməni işğalında olan Azərbaycanda keçirilməsi utancverici bir hadisə idi. Torpaqlarımızı işğal edən, Xocalı Soyqrımı kimi dəhşətli bir soyqrım törədən bir vəhşi millətə hər vasitə ilə dəstək verən Xameneyiyə "ağam", "rəhbərim", deyə müraciət edənlər, sabah-biri gün dövlətçiliyimizə qarşı istənilən addıma gedə bilərlər. Bu mənada bu “aksiya”nı soyuqqanlılıqla seyr edən hüquq-mühafizə orqanlarının fəaliyyəti də bizdə təəssüf hissi doğurur.

Ümid edirik ki, Dövlət Təhlükəsizlik Xidməti və Xüsusi Mühafizə Orqanları bu barədə müəyyən bir ölçü götürəcəkdir”.

 

Bütöv Azərbaycan Ocaqları

Bakı, 15.01.2018.



BMT-nuin BaşKatibinə, YUNESKO-nun Baş Direktoruna və Türkiyə Prezidentinə BAO-nun müraciəti (16/12/2017)
22:07 / 17-12-2017
BAO-nun İstanbul təmsilçiliyinin "Sabah" qəzetinə etiraz bəyanatı (23/10/201)
23:50 / 24-10-2017
BAO tarix dərsliyində uydurma "Böyük Ermənistan" xəritəsinin verilməsinə etiraz olaraq bəyanat yayıb (14.10.2017)
00:24 / 15-10-2017
BAO İstanbul Yerli Ocağında yeni təyinatlar olub
00:54 / 10-10-2017
Bütöv Azərbaycan Ocaqlarının (BAO) təşəbbüsü ilə qətnamə qəbul edilib (23/09/2017)
21:57 / 23-09-2017
BAO başqanı İstanbul Yerli Ocağının sədri Babək Türkoğluna təşəkkür elan edib
00:45 / 16-07-2017
BAO Rusiyaya qarşı bəyanat yayıb (10/05/2017)
16:09 / 10-05-2017
24 APREL – BÜTÖV AZƏRBAYCAN GƏNCLƏR GÜNÜNÜZ MÜBARƏK!
22:09 / 24-04-2017
BAO Güney Azərbaycanlı milli-mədəni fəal, təşkilatın fəxri üzvü Murtaza Muradpurun yenidən saxlanılması ilə əlaqədar bəyanat verib (06/03/2017)
23:56 / 06-03-2017
BAO-da yeni təyinatlar (28/02/2017)
02:36 / 02-03-2017
BAO Mərkəzi Şurası bəyanat yayıb
21:46 / 22-02-2017
BAO-da yeni təyinat olub
23:27 / 23-01-2017
BAO başqanının Kanada və İstanbulda nümayəndələri təyin edilib
21:59 / 04-01-2017
HƏMRƏYLİK GÜNÜNÜZ VƏ YENİ İLİNİZ MÜBARƏK!
11:32 / 31-12-2016
Bütöv Azərbaycan Ocaqları (BAO) bəyanat yayıb (13/12/2016)
23:20 / 13-12-2016
Milli fəal Murtəza Muradpur BAO-nun fəxri üzvü elan edildi və ona 40 günlük aclığı dayandırmaq üçün müraciət olundu
22:00 / 04-12-2016