BÜTÖV AZƏRBAYCAN OCAQLARI
“Məhəmmədəmin Rəsulzadə və Azərbaycan Cümhuriyyəti” mövzusunda növbəti diskussiya (28/01/2017)

22:49 / 28-01-2017   /   baxış - 498

28 yanvar 2017-ci il tarixində Bütöv Azərbaycan Ocaqlarının (BAO) Siyasi Analitik Klubunun (SAK) təşkilatçılığı ilə “Məhəmmədəmin Rəsulzadə və Azərbaycan Cümhuriyyəti” mövzusunda növbəti diskussiya keçirildi. 

Tədbiri giriş sözü ilə BAO SAK-nun rəhbəri Elvin Abdulla açdı. Öncə M.Rəsulzadə və Azərbaycan Cümhuriyyətinin digər qurucularının xatirəsi bir dəqiqəlik sükutla yad edildi. Sonra Bakı Avrasiya Universitetinin professoru Ədalət Tahirzadə mövzu üzrə geniş məruzə ilə çıxış etdi.

“Azərbaycan Xalq Cümhuriyyəti” termininin və “Məhəmməd Əmin”, “Məmməd Əmin”, “Məmmədəmin” yazılışlarının yanlışlığı, “Azərbaycan Cümhuriyyəti” və “Məhəmmədəmin” yazılışlarının doğruluğu ilə sözünə giriş verən Ə.Tahirzadə mövzuya keçərək Cümhuriyyətin yaranması və fəaliyyəti haqqında bir çox yeni faktlarla zəngin məruzə təqdim etdi. Müxtəlif səciyyəli məsələlərə toxunan məruzəçi bildirdi ki, Məhəmmədəmin Rəsulzadə Azərbaycan xalqının tarixi boyunca yetişmiş ən böyük şəxsiyyətlərdən biridir, Cümhuriyyətin qurulmasında onun müstəsna xidməti var və o, Azərbaycanın müstəqilliyini elan etmiş Azərbaycan Milli Şurasının sədri və Parlamentdə ən böyük fraksiyanın başçısı kimi Cümhuriyyət tarixinin ən nəhəng siması və lideridir. Ancaq Azərbaycan Cümhuriyyətinin yaradılmasını da təkcə onun adı ilə bağlamaq Əlimərdan bəy Topçubaşov, Fətəli xan Xoyski, Nəsib bəy Yusifbəyli, Həsən bəy Ağayev və bir çox başqalarının haqqını danmaq olardı.

Ə.Tahirzadə Zaqafqaziya Seymində, Trabzon və Batum, sonra İstanbul konfranslarında Rəsulzadənin geniş fəaliyyətindən söz açaraq bu gün Məhəmmədəmin bəyə və Cümhuriyyətin başqa liderlərinə qarşı yönəldilmiş əsassız ittihamlara da toxundu, dedi ki, istər Nuru paşa dönəmində, istərsə də ingilislər zamanında Azərbaycan hökuməti normal şəraitdə deyil, fövqəladə sıxıntılı durumda çalışıb. Ancaq bu fövqəladə çətinliklərə baxmayaraq, o hakimiyyətə başçılıq edənlər ayaq üstə duracaq və bugünkü dövlətimizin şərəfli sələfi olacaq bir dövlət yaratmağı bacardılar.

Məruzəçi bunu özəlliklə vurğuladı ki, Rəsulzadə başda olmaqla Cümhuriyyətin bütün qurucuları şəxsiyyətcə yüzillər boyunca örnək göstəriləcək uca və büllur kimi təmiz şəxsiyyətlərdi. Onlarda xan, bəy kübarlığı, qüruru, şərəfi vardı, rüşvəti ağıllarına belə gətirmirdilər və bəzi hallarda siyasi baxışlarında fərqlər olsa da dövlət quruculuğu istəyi onları sıx birləşdirirdi.

Məruzədə Azərbaycan Cümhuriyyətinin taleyində Türkiyə və Rusiya amilindən də geniş söz açıldı.  

Prof. Ə.Tahirzadə Cümhuriyyətin süqutundan sonra da Rəsulzadənin mühacirətdə Azərbaycan istiqlalı uğrunda siyasi çarpışmasına dair maraqlı faktlar gətirdi.

Sonda tədbir iştirakçılarından Ceyhun Quliyev, Cavanşir Beydullayev, Eldəniz Şamlı, Ruhəngiz Kərimli, Faiq ələkbərli, Dilavər Əzimli, Dursun Əlmas  b.-nın sual və fikirləri ilə diskussiya davam etdirildi.

Ən sonda tədbir iştirakçıları xatirə fotoşəkilləri çəkdirdilər.

FOTOLAR:

 

 

BAO İnformasiya Xidməti

28.01.2017.



“Bütöv Azərbaycan ideyasının KİV-də təbliğinin hazırkı durumu” mövzusunda diskussiya (17/02/2018)
22:17 / 17-02-2018
“Orta Doğuda kəsişən maraqlar” mövzusunda dəyirmi masa (10/02/2018)
20:42 / 10-02-2018
“Orta Doğu siyasəti və Türkiyənin Afrin Əməliyyatı” mövzusunda dəyirmi masa (03/02/2018)
22:15 / 03-02-2018
“Rəsulzadə-134”mövzusunda dəyirmi masa keçirildi (27/01/2018)
21:31 / 27-01-2018
BAO-çular Şəhidlər Xiyabnına ziyarət yürüşü keçiriblər (20/01/2018)
16:41 / 20-01-2018
“Təbrizdən qidalanmayan inqilab məğlubiyyətə məhkumdur” mövzusunda dəyirmi masa (06/01/2018)
19:53 / 06-01-2018
BAO-nun Türkiyədəki tədbirlərinin yekunları ilə bağlı toplantı (23/12/2017)
21:38 / 23-12-2017
BAO-çular Rəsulzadənin məzarüstü abidəsini təmir ediblər (17/12/2017)
18:58 / 17-12-2017
İstanbulda “21 Azər” hərəkatı ilə bağlı geniş tədbir keçirilib (16/12/2017)
21:18 / 16-12-2017
BAO-çular Azərbaycan Kültür Dərnəyini ziyarət ediblər (09/12/2017)
20:07 / 08-12-2017
BAO-çular tarixçi alim İsrafil Məmmədovu ziyarət ediblər (12/11/2017)
00:33 / 13-11-2017
BAO İstanbul təmsilçiliyi üzvləri Ə.Hüseynzadənin və N.Atsızın məzarlarını ziyarət ediblər (12/11/2017)
19:15 / 12-11-2017
“Türk Dünyasının gələcəyinə Tatarıstandan bir baxış” mövzusunda növbəti diskussiya (11/11/2017)
22:51 / 11-11-2017
“9 noyabr – Bayraq günü” mövzusunda dəyirmi masa (09/11/2017)
22:34 / 09-11-2017
BAO-nun İstanbul Təmsilçiliyi “Sabah” qəzetinə qarşı etiraz aksiyası keçirib (23/10/2017)
21:16 / 23-10-2017
“Orta Doğuda hərbi-siyasi durum və türkmanların taleyi” mövzusunda dəyirmi masa (23/09/2017)
20:21 / 23-09-2017