17 dekabr 2016-cı il tarixində Bütöv Azərbaycan Ocaqlarının (BAO) Siyasi-analitik Klubunun (SAK) təşkilatçılığı ilə “İsrail-Azərbaycan münasibətləri” mövzusunda növbəti diskussiya keçirildi. Tədbiri giriş sözü ilə BAO Siyasi-Analitik Klubunun rəhbəri Elvin Abdulla açdı. Sonra Atlas Araşdırmalar Mərkəzinin rəhbəri, politoloq Elxan Şahinoğlu mövzu üzrə geniş məruzə ilə çıxış etdi: “İsrail dövləti Azərbaycan, Qazaxıstan və bu kimi müsəlman dövlətləri ilə əməkdaşlıq etməkdə maraqlıdır. Çünki, bununla o göstərmək istəyir ki, İsrail heç də müsəlman dövlətlərinə düşmən deyil. Azərbaycanla İsrailin hərbi və iqtisadi sahədə əməkdaşlığı xüsusi ilə önəmlidir. Son səfərdən İran həddən artıq narahat oldu, hətta dövlətin səlahiyyətli şəxsləri tərəfindən ciddi reaksiyalar verildi. Onlar müsəlmanların düşməni hesab etdikləri İsraillə Azərbaycanın bu cür münasibətlər qurmasını heç cür qəbul edə bilmirlər. Halbuki, İran özü Xristian və müsəlmanlara müharibə aparan Ermənistanlayaxın əlaqələr qurub”
Daha sonra tədbir iştirakçılarından Bəxtiyar Tuncay, Cavanşir Beydullayev, Yusif Baba, Daşqın Nuriyev, İsgəndər Həmidov, Dursun Almas, Şahin Bəkirli, Hakim Sadiqli, Dilavər Əzimli və b.-nın sual və fikirləri ilə diskussiya davam etdirildi.
VİDEO:
FOTOLAR:
BAO İnformasiya Xidməti
17.12.2016