BÜTÖV AZƏRBAYCAN OCAQLARI
Faiq Ələkbərli Ankarada Türk Birliyindən, Konyada isə Alparslan Türkeşdən danışacaq

22:51 / 17-03-2017   /   baxış - 150

Bütöv Azərbaycan Ocaqlarının (BAO) Türk Dünyasıyla Əlaqələr üzrə müavini, fəlsəfə üzrə fəlsəfə doktoru, dosent Faiq Ələkbərli (Qəzənfəroğlu) martın 25-26 tarixlərində Türkiyənin Ankara və Konya şəhərlərində keçiriləcək konfranslara dəvət almışdır. Bu barədə açıqlama verən F.Ələkbərli bildirib ki, öncə martın 25-də İLESAM-ın (Türkiye İlim ve Edebiyat Eseri Sahipleri Meslek Birliği) təşkilatçılığıyla “Türk Birliyi” mövzusunda bir konfrans verəcəkdir. Burada Türk Birliyinin mövcud durumu və gerçəkləşmə yollarından bəhs olunacaq!

Daha sonra Azərbaycan türk aydını martın 26-da Konya şəhərində Ahde vefa Turan Birliyi Dərnəyinin düzənlədiyi  “Alparslan Türkeş və Ülküçü Dünyagörüşü” mövzulu panelə qatılacaqdır. F.Ələkbərli bildirdi ki, Konyada isə “Alparslan Türkeş və Ülküçü dünyagörüşünün Azərbaycan və Qafqazlardakı təsiri” mövzusunda çıxış edəcəkdir. Burada A.Türkeşin Türkiyədə Türk Birliyi istiqamətində gördüyü işlər, eyni zamanda onun Azərbaycana səfəri və bunun Azərbaycan türkləri üzərində təsirindən söz açılacaq!

BAO.AZ