BÜTÖV AZƏRBAYCAN OCAQLARI
Etnik ‘azərbaycanlı’ termininin elmi əsası yoxdur

12:07 / 21-04-2017   /   baxış - 356

Millət vəkili Fazil Mustafa rəsmi kimlik anlayışındakı “azərbaycanlı” terminin siyasi xarakterli bir tanıtım olduğunu deyir. Amerikanın Səsinə danışan siyasətçinin sözlərinə görə, cəmiyyət əslində bu tanıtımı doğru görmür amma Azərbaycan Respublikasının həssas siyasi şəraitdə olduğunu nəzərə alaraq etiraz etmir və dözüm göstərir.

 

Onun söylədiklərinə görə, “kimsə bu dilin adına ‘Azərbaycan dili’ deyə bilər, bu konstitusiyada və müxtəlif qanunlarda da ola bilər. Amma hər bir şeyin bir məntiqi izahı olmalı, bir əsaslandırması olmalıdır. Bunun izahını vermək mümkün olmur. Ermənistanda ermənistanlı deyilmir erməni deyilir, Gürcüstanda gürcüstanlı deyilmir, gürcü deyilir.”

Millət vəkili bu problemi ‘azəri’ ya ‘azər xalqı’ şəklində izah etməyə çalışanların da elmi populizmdən uzağa gedə bilmədiklərini önə çəkir.

“Azərbaycanda bunu uydurma olaraq bir dövr azəri adı ilə ötüşdürmək istədilər; yəni Azərbaycanda yaşayan azərilər… Amma azəri adında ümumiyyətlə türk etnosuna aid ola biləcək hansısa bir xalqın olduğunu sübut edə bilmədilər. Bəziləri ‘azər xalqı’ və başqa adlar altında kitablar yazaraq [bunu] ortaya qoymağa çalışdılar. Bunu sübut edə bilmədilər. Bir elmi populizmdən uzağa gedə bilmədilər. Amma bütövlüklə yenə bunun türk dili və türk xalqı olduğu ortaya çıxdı.”

Azərbaycan Respublikasının rəsmi kimlik anlayışı o cümlədən, çoxluğu təşkil edən cəmiyyət və rəsmi dilin adında türk sözünün keçməməsinə toplumda gözə çarpan təpki və ya etiraz görünməməkdədir. Amma, son vaxtlar bəzi siyasətçilərin türk kimliyini inkar yönündə çıxışları müəyyən dərəcədə etiraz səslərinin yüksəlməsinə səbəb olub.

Cənab Mustafa bunun ziddiyyətli bir durum olmadığını ifadə edir.

Onun dediklərinə görə, “cəmiyyət zahirdə azərbaycanlı tanıtımı ilə razılaşmış kimidir. Amma batinən bunu doğru görmür… Müxtəlif şəxslər tərəfindən provokativ və qışqırdıcı xarakter daşıyan və türklərin hissiyatına toxunan ifadələr işləndiyi zamanlarda da ciddi etirazlar qaçınılmaz olur.”

Siyasətçinin fikrincə, toplumun rəsmi kimlik siyasətinə etiraz etməməsinin əsas səbəbi Azərbaycan Respublikasının həssas dönəmdən keçməkdə olmasıdır:

“Xalqın buna etiraz etməməsinin əsas səbəbi odur ki, Azərbaycan həssas dönəmdən keçir və həssas bir bölgədə yerləşir. Keçmiş Sovet sistemindən qopduqdan sonra hələ də o sistemin əsas nüvəsini təşkil edən güclər, eləcə də Güney Azərbaycan üzərində basqı təşkil edən güclərin Azərbaycan dövlətinin mövcudluğuna münasibəti müsbət deyil.”

O əlavə edir, “amma bir ziyalı bir professor ya bir siyasətçi gəlib deyəndə azərbaycanlı və Azərbaycan dili və bu kimi anlayışlar siyasi xarakterlidir, bununla ‘biz türk deyilik’ deməyin yanlış və qışqırdıcı olduğunu bildirir… Rəsmi anlayışa dözümlülük göstərən ya biraz yumuşaq mövqe sərgiləyən adamlar bəzən bunun bu dərəcədə də təhrif olmasına və [türk kimliyinin] tamamən unudulmasına yol verməmək üçün açıq şəkildə bu mübahisələrdə mövqelərini ifadə edə bilirlər.”

Amerikaninsesi.org



9 noyabr - Dövlət Bayrağı Gününə həsr olunmuş bayram tədbiri keçiriləcək
00:50 / 08-11-2017
Nəcəfalı Cahangirli: “İnanmıram ki, Qabil Hüseyinli belə müsahibə versin”
22:26 / 09-09-2017
Türk Bölgələri Fraksiyası Elm, tədqiqat və texnologiyalar nazirinin Azərbaycandan seçilməsini istəyir – Urmiyənin millət vəkili
23:52 / 07-09-2017
DOĞUM GÜNÜ TƏBRİKİ
18:10 / 31-08-2017
Test üsulu ləğv ediləcəkmi?
09:15 / 24-08-2017
Ermənistan ordusunun hərbçisi öldü
17:00 / 21-08-2017
Xətaidə şəhid parkında büstü dağıdıb yerində pivəxana açdılar — ŞİKAYƏT
17:55 / 09-08-2017
DOĞUM GÜNÜ TƏBRİKİ
10:22 / 26-07-2017
Zəhralar ölməsin
23:33 / 07-07-2017
Erməni ordusu darmadağın edildi: Xeyli canlı qüvvə və döyüş texnikası məhv edildi – RƏSMİ
23:20 / 07-07-2017
Ermənilərin qətl etdiyi Azərbaycanlı uşaqların STATİSTİKASI
22:35 / 07-07-2017
DOĞUM GÜNÜ TƏBRİKİ
22:09 / 01-07-2017
Elçibəyin doğum günü münasibətiylə “Elçibəy-79” adlı ədəbi-bədii tədbir keçiriləcək
23:42 / 12-06-2017
“Yaddan çıxmaz Qarabağ...”
18:39 / 08-06-2017
22 may 2006-cı il Guney Azərbaycan azadlıq mübarizəsinin yeni mərhələsinin başlanmasıdır
20:17 / 05-06-2017
Tarixi ərazimiz olan İrəvanı hansı şərtlə ermənilərə güzəştə getdik?
18:53 / 05-06-2017