Ötən il dekabrın 29-da şəhid olan və cəsədi ermənilər tərəfdə qalan Azərbaycan Ordusunun əsgəri Qurbanov Çingiz Salman oğlunun nəşi bu gün geri qaytarılıb.
BAO.AZ bildirir ki, Musavat.Com-un verdiyi məlumata görə, bununla bağlı sosial şəbəkələrdə məlumat yayılıb.
Belə ki, jurnalist Səadət Məmmədova bununla bağlı status paylaşıb: “2016-cı ilin dekabrın 29-da şəhid olmuş əsgər Qurbanov Çingiz Salman oğlunun nəşi bu gün geri qaytarılıb. Hərbi qulluqçumuzun meyitinin geri alınması prosesi Qazax rayonunun Bala Cəfərli kəndi istiqamətində baş tutub. Şəhid Ç.Qurbanovun cənazəsi fəxri qarovulun müşayiəti ilə Bakı şəhərinə yola salınıb”.
BAO.AZ