Bu gün – 18 aprel 2017-ci il tarixində Bütöv Azərbaycan Ocaqlarının (BAO) Mərkəzi Şurasının (MŞ) növbəti iclası keçirilib. MŞ sədri Paşa Həsənlinin sədrliyi ilə keçirilən iclasda öncə təşkilati məsələlərə baxılıb. MŞ üzvləri Bəxtiyar Tuncay və Aqil Camal öz xahişlərinə əsasən MŞ üzvlüyündən xaric edilib. BAO fəalı Nəcəfalı Cahangirli isə MŞ üzvlüyünə qəbul edilib.
İclasda həmçinin Güneydə baş verən sel fəlakəti məsələsi də müzakirə olunub. MŞ üzvü Rüfət Muradlı fəlakət bölgələrində olan son durum haqqında geniş məlumat verib və İran rejiminin Güney Azərbaycan bölgələrinə həmişə olduğu kimi lazımı diqqət ayırmadığını, iqtisadi və digər məsələlərdə ayrıseçkilik etdiyini vurğulayıb.
İclasda həmçinin sel fəlakətinin qurbanları sayğı və rəhmətlə anılaraq Azərbaycan hökumətinə təbii fəlakətdən əziyyət çəkən soydaşlarımıza yardım üçün çağırış edilməsi qərara alınıb.
bao.az