BÜTÖV AZƏRBAYCAN OCAQLARI
Azərbaycan vətəndaşlarının İranda həbs edildiyi bildirilir - Müsahibə

22:12 / 13-07-2016   /   baxış - 396

Azərbaycanda “Həyat Sözü” Kilsəsinin üzvləri Yusif Fərhadov, Eldar Qurbanov və Bəhram Nəsibovun İranda həbs edildiyi bildirilir. Bu barədə məlumatı saxlanılanlardan biri Yusif Fərhadovun qardaşı Ceyhun Fərhadov “Amerikanın Səsi”nə müsahibəsində bildirib. O, qardaşı və iki dostunun İranın paytaxtı Tehran şəhərinə dostları tərəfindən dəvət olunduğunu və nişan mərasiminə qatılan zaman həbs olunduğunu bildirib.

 “Qardaşım və iki dostu Tehranda qonaq olanda iyunun 24-də onları nişan mərasiminə dəvət ediblər. Əldə etdiyimiz məlumata görə, onlar nişan mərasimində olan zaman Milli Təhlükəsizlik Xidmətindən gələrək nişanda olan hamını həbs ediblər. Qardaşım və dostları həbs olunandan bir həftə sonra bizə zəng etmək imkanı əldə ediblər. Ayın 3-də hamısı evlərinə zəng edib, hansı həbsxanada olduqlarını və təkkameralıq məhbəs saxlandıqlarını bildiriblər. Onlarla maraqlanan yoxdur və onları heç kəs sorğu-sual etməyib”.

Ceyhun Fərhadov onların nəyə görə saxlandığını dəqiq bilməsə də, ehtimal kimi qardaşının dostlarının məsihçi olmasını irəli sürür. Ancaq o deyir ki, onlar polis yox, təhlükəsizlik idarəsi tərəfindən və hər hansı xristian (məsihi) dini mərasimdə yox, nişanda saxlanıblar: “Nişan qonaqlığı olub. Heç bir dua olunmayıb. Onlar sadəcə qonaq kimi orada əyləşiblər”. Ancaq Ceyhun Fərhadov onların qardaşı və dostlarının nişandan əvvəl hər hansı dini mərasiminə qatılıb-qatılmaması barədə məlumatlı deyil. O, qardaşı ilə əlaqə saxlamaq imkanlarının məhdud olduğunu bildirir.

“Biz yox, onlar bizimlə əlaqə saxlayıblar. Həbsxanadan onlara imkan veriblər ki, onlar naməlum nömrələrdən hərəsi öz ailəsinə zəng eləsin. Onları iyunun 24-də tutublar, onlar 3 iyulda evlərinə zəng edə biliblər. 4 gün əvvəl isə onlar yenidən zəng ediblər. Hər həftə 1 dəfə zəng edə bilirlər”.

Təkkameralı hücrədə saxlanan bu 3 nəfərin yemək və su ilə təmin olunduğunu bildərən Ceyhun Fərhadov onların vəkillə təmin olunmadıqlarını, hətta nədə ittiham olunduqları barədə məlumat verilmədiyini deyir: “Onların yoldaşları Azərbaycan Xarici İşlər Nazirliyinə (XİN) ərizə ilə müraciət edib. XİN bizim İrandakı səfirliyə məlumat verib. Oradakı səfirlik isə İran Xarici İşlər Nazirliyinə not verib. Onların harada saxlanmasına dair məlumat əldə edilməyə çalışılır. Biz onların kəşfiyyat idarəsində saxlandlığını ehtimal edirik. Səfirliyin nümayəyndələri onlarla görüşmək istəyir, ancaq o təşkilat indiyədək onların orada olmasını təsdiq etməyib”.

Ceyhun Fərhadov hər 3 şəxsin valideynləri, həyat yoldaşları və övladlarının onlardan ciddi narahat olduğunu və tezliklə azadlığa çıxmalarını istədiklərini deyib.

İran rəsmiləri Amerikanın Səsinə müsahibə vermədiyini üçün bu 3 şəxsin saxlanılması barədə İran hüquq-mühafizə orqanlarından məlumat almaq mümkün olmayıb.

 

 

İstinad: GünAz TV



Ustad Barışmazın heykəlinin açılış mərasimi keçirilib – Marağada / GÖRÜNTÜ
20:34 / 08-12-2017
Azərbaycanlı fəal Murtaza Nəbizadə Təbrizdə dəfn olunub – VİDEO / GÖRÜNTÜ
20:13 / 08-12-2017
Məhsa Mehdili: Özümüzü mərkəzçi qruplardakı türklərə anlatmalıyıq – Müsahibə / AUDİO
20:07 / 08-12-2017
Ərdəbildə azərbaycanlı siyasi məhbusların azadlığını tələb edən posterlər asılıb – GÖRÜNTÜ
19:58 / 08-12-2017
Paniranistlər dərsliklərdə Ermənistan üçün uydurma tarix yaradır
22:34 / 29-10-2017
Hər bir güney azərbaycanlı bir növ milli ruh daşıyır - Türkiyə parlamentinin keçmiş deputatı - Video
22:26 / 29-10-2017
Ərdəbildə milli-mədəni fəal Mehdi Dustdar saxlanılıb
22:25 / 29-10-2017
Mühəndis Əmani vəfatının 9-cü ildönümündə anılıb
22:21 / 29-10-2017
İraq Türkmən Cəbhəsinin lideri Ərşəd Salehidən Güney Azərbaycan türk millətinə növbəti təşəkkür Mesajı
01:11 / 25-10-2017
Əhər məhkəməsi 7 fəalı 58 ay həbs cəzasına məhkum edib
00:54 / 25-10-2017
Azərbaycanlı fəallardan Kərkükdə dəstək – Urmiyədə / Video və Görüntü
12:28 / 22-10-2017
Türk dili və ədəbiyyatının payız kursları fəaliyyyətə başlayır – Zəncanda
00:44 / 14-10-2017
Türk dilinin tədrisi Şərqi Azərbaycanın əsas prioritetlərindən biridir - Azərbaycanlı millət vəkili
21:33 / 26-09-2017
Ərdəbildə ana dilində təhsil tələbi ilə bildiriş vərəqələri yayılıb - GÖRÜNTÜ
22:19 / 24-09-2017
İranda təhsil alan azərbaycanlı qızın ŞOK ETİRAFI: Bizi imamın evinə aparıb 10 nəfərlə...
00:22 / 16-09-2017
Güneyli Milli fəallar Təbrizin “Səhənd” stadionunda şüarlar səsləndiribılər - VİDEO
23:40 / 15-09-2017