BÜTÖV AZƏRBAYCAN OCAQLARI
Abbas Lisani Meşginşəhr Məhkəməsinə çağırılıb

00:37 / 10-06-2017   /   baxış - 127

Tanınmış azərbaycanlı milli-mədəni fəal Abbas Lisani məhkəmə hökmünün elan olunması üçün Meşginşəhr (Xiyav) Məhkəməsinə çağırılıb.

Bao.az Güney Azərbaycan milli azadlıq cəbhəsinə istinadən xəbər verir ki, mayın 29-da göndərilən çağırış vərəqəsinə qeyd olunub ki,  fəal bir həftə ərzində Meşginşəhr Məhkəməsinin 102-ci Şöbəsinə müraciət etməlidir.

Tanınmış fəal məhkəməyə türkcə yazdığı məktubda cəza qanununun 380-cı maddəsinə istinad edərək qanunsuz çağırışa məhəl qoymayacağını bildirib.

Abbas Lisaninin çağırışla bağlı Meşginşəhr Məhkəməsinin 102-ci Şöbəsinə yazdığı məktubda deyilir:

“Məhkəmə hökmünün elanı üçün mayın 29-da çağırış vərəqəsi göndəribsiniz. Lakin cəza qanununun 380-cı maddəsinə əsasən məhkəmə hökmü dosyenin tərəflərinə, vəkil və prokurora göndərilməlidir. Məni qeyd etdiyim maddənin ikinci bəndinə görə də məhkəməyə çağırmaq olmaz. Çünki, burada iffətə zidd, həmçinin daxili və xarici təhlükəsizliyə qarşı hərhansı cinayət törədilməyib. Ona görə də, yaxşı olar ki, məhkəmə hökmünü mənim özümə göndərəsiniz. Mən qanunsuz çağırışa görə məhkəməyə gəlməyi qanunsuzluğa baş əymək kimi qəbul edirəm”- deyə məktubun bir hissəsində qeyd olunub.

Cəza qanununun 380-cı maddəsində məhkəmə hökmünün  dosyenin tərəflərinə, vəkillər və prokurora elan olunmasının vacib olduğu bildirilir. Həmin maddəyə əsasən tərəflərin məhkəməyə gəlməsinə ehtiyac yoxdur.

380-cı maddənin 1-ci bəndində qeyd olunur ki, məhkəmənin çıxardığı hökm 3 gün ərzində elan olunmalıdır. 2-ci bənddə isə bildirilir ki, iffətə zidd cinayətlərdə hökmdə şikayətçinin bilməsi haram sayılan məsələlər varsa, həmçinin daxili və xarici təhlükəsizliklə bağlı cinayət törədilibsə, hökm ayrı-ayrılıqda bir başa açıqlanmalıdır.

Tanınmış fəal 2017-ci il martın 7-də son məhkəmə iclasında meşginşəhrli fəalların birininin toyunda çıxış etdiyi üçün sistemin əleyhinə təbliğdə günahlandırılıb.

Abbas Lisani Güney Azərbaycanda ən tanınmış milli-mədəni fəallar sırasındadır. O Azərbaycan türk millətinin milli və demokratik hüquqları uğrunda apardığı mədəni mübarizəyə görə uzun illər məhbus həyatı yaşayıb, rejimin müxtəlif təzyiqlərinə məruz qalıb.



Paniranistlər dərsliklərdə Ermənistan üçün uydurma tarix yaradır
22:34 / 29-10-2017
Hər bir güney azərbaycanlı bir növ milli ruh daşıyır - Türkiyə parlamentinin keçmiş deputatı - Video
22:26 / 29-10-2017
Ərdəbildə milli-mədəni fəal Mehdi Dustdar saxlanılıb
22:25 / 29-10-2017
Mühəndis Əmani vəfatının 9-cü ildönümündə anılıb
22:21 / 29-10-2017
İraq Türkmən Cəbhəsinin lideri Ərşəd Salehidən Güney Azərbaycan türk millətinə növbəti təşəkkür Mesajı
01:11 / 25-10-2017
Əhər məhkəməsi 7 fəalı 58 ay həbs cəzasına məhkum edib
00:54 / 25-10-2017
Azərbaycanlı fəallardan Kərkükdə dəstək – Urmiyədə / Video və Görüntü
12:28 / 22-10-2017
Türk dili və ədəbiyyatının payız kursları fəaliyyyətə başlayır – Zəncanda
00:44 / 14-10-2017
Türk dilinin tədrisi Şərqi Azərbaycanın əsas prioritetlərindən biridir - Azərbaycanlı millət vəkili
21:33 / 26-09-2017
Ərdəbildə ana dilində təhsil tələbi ilə bildiriş vərəqələri yayılıb - GÖRÜNTÜ
22:19 / 24-09-2017
İranda təhsil alan azərbaycanlı qızın ŞOK ETİRAFI: Bizi imamın evinə aparıb 10 nəfərlə...
00:22 / 16-09-2017
Güneyli Milli fəallar Təbrizin “Səhənd” stadionunda şüarlar səsləndiribılər - VİDEO
23:40 / 15-09-2017
Parsabadda “Cənab nazir, Muğan yolu haqqında düşün” kampaniyası başladılıb
21:50 / 15-09-2017
Əli (Atilla) Lisani Polis İdarəsinin Təhlükəsizlik Bölməsində təhdid edilib
14:00 / 25-08-2017
Milad Əkbəri Kəleybər məhkəməsinə çağırılıb
13:56 / 25-08-2017
Azərbaycanın milli kimliyini müsafiə edən yerli məsullardan ikisi vali tərəfindən vəzifələrindən uzaqlaşdırılıb
13:54 / 25-08-2017