BÜTÖV AZƏRBAYCAN OCAQLARI
Babək Bəxtavər: Ruhani İranın indiki xarici siyasətinin davamı üçün seçilməli idi

14:51 / 01-06-2017   /   baxış - 130

Babək Bəxtavər İranda prezident seçkiləri nəticələrinin İslam Respublikasının son dörd ildə yürütdüyü xarici siyasətə uyğun şəkildə müəyyənləşdiyini ifadə edir. Milli fəal Amerikanın Səsinə müsahibədə müxtəlif siyasi qruplar, o cümlədən ölkə xaricində fəaliyyət göstərən İslam Respublikası müxaliflərinin Həsən Ruhaniyə dəstək vermələrinin səbəblərini dəyərləndirib.

İngiltərədə yaşayan fəal müsahibədə həmçinin türk fəalların prezident seçkilərinə münasibətini və türklərin səsvermədə iştirak səviyyəsi haqqında danışıb.

 

Babək Bəxtavərin fikrincə, həm fars millətçiliyinə söykənən müxalif qruplar, həm də şiəçiliyə söykənən hakimiyyət Həsən Ruhaninin prezident seçilməsini istəyirdilər.

Onun dediklərinə görə, “bu seçkilərin nəticələri İranın keçən dörd ildə yürütdüyü siyasətin davamıdır. Belə də demək olar ki, bu seçkilərdə fars millətçiliyinə söykənən İran müxalifləri ilə şiəçiliyə söykənən islami hökümət arasında yazılmamış bir anlaşma var idi. Ruhaninin seçilməsi gözlənilirdi. Son dörd ildə İran hakimiyyətinin başındakılar, yəni Xameneyi və Sepahın xarici və daxili politikasına ən uyğun namizəd Həsən Ruhani idi.”

Bəxtavər əlavə edir, “səbəbi budur ki, Ruhani müxalifləri ən az bədəl ödəyərək susdura bilən namizəddir... Son dörd ildə siyasi qruplara verilən vədlərə əməl olmadığına baxmayaraq ciddi bir etiraz səsi çıxmadı... Ruhani nüvə məsələsində də rahat irəliləmə əldə edə bilər...”

Həsən Ruhani tərəfdarlarının seçki kampaniyası
Həsən Ruhani tərəfdarlarının seçki kampaniyası



Türk fəal İran İslam Respublikasında prezidentlərin vəzifəsinin öncədən müəyyənləşdirilmiş siyasətləri həyata keçirmək olduğuna diqqət çəkir.

O, deyir ki, “hakimiyyətin əsas gövdəsi bir qərar alır. Hər hansı siyasətçi və namizəd gəlsə, o siyasəti yürütməlidir. Seçki kampaniyalarında da Xameneyi çox açıq dedi ki, təbliğatda xarici siyasətə dair danışılmamalıdır. Daxili siyasətə gələndə də, gördük ki, mədəni azadlıqlar mövzusu ya hərbi mövzulardan bəhs etmədilər. Ancaq və ancaq namizədlərə iqtisadi mövzular üzərində danışmağa icazə verildi.”

Bəxtavər seçkilərdən öncə prezident Ruhaninin xeyrinə fəaliyyət göstərən müxaliflərin gözləntilərinə də işarə edir:

“Ruhanini dəstəkləyən İran müxaliflərinin demokratiya və azadlıqlara dair tələbləri yox idi. Deyirdilər biz bunları gözləmirik. Bəs bunlar nəyi gözləyir? Bölgədə gərginliklər var. Suriya bunun bir nümunəsidir. İndi İranda dini bir hakimiyyət olsa da, bu dövlət-millət orada fars hegemonluğunu qorumaqdadır... Buna görə də, fars millətçiləri hökümətə deyirlər ki, biz səndən demokratiya, mədəni azadlıqlar istəmədik. İndilik anlaşırıq ki sən hakimiyyətdə olasan, səni devirmək niyyətimiz də yoxdur... Sadəcə beynəlxalq sahədə ölkəni böhranlara sövq edən siyasət yürütməyin. Bu tolerantlıq siyasəti ilə davam edin ki gərginlik olmasın, ölkə dağılmasın.”



Qumda Azərbaycan Respublikasındakı dini ekstrimistlərə dəstək mərasimi keçirilib
23:54 / 17-07-2017
Azərbaycanlı milli-mədəni fəal Səfiyyə Qarabağlı saxlanılıb
23:45 / 17-07-2017
Aclıq aksiyasında olan Həbib Sasaniyan xəstəxanalıq olub
01:56 / 17-07-2017
Azərbaycanlı fəal Mənsur Seyfi məhkəməyə çağırılıb
00:32 / 09-07-2017
Urmiyəli fəal Əli Əzizi yeni ittihamla üzləşib
00:29 / 09-07-2017
Azərbaycanlı milli-mədəni fəal Qasim Mahmudi saxlanılıb
00:27 / 09-07-2017
Təbrizin 40 kilometrliyində əhalisi 18-ci əsrdə yaşayan kimi kəndlər var – Şəbistərin millət vəkili
22:55 / 07-07-2017
Babək qalası yığıncağında tutulanlar Əhər zindanına köçürülüb
22:44 / 07-07-2017
Güneydə türk fəallara qarşı basqılar artıb
20:41 / 04-07-2017
Həbib Sasaniyanın səhhəti aclıq aksiyasının 10-cu günündə ağırlaşıb
00:52 / 23-06-2017
Azərbaycanlı fəal Səid Məhəmmədi məhkəməyə çağırılıb
00:39 / 23-06-2017
Ərdəbildə məhbusların sayı getdikcə artır
00:43 / 10-06-2017
Abbas Lisani Meşginşəhr Məhkəməsinə çağırılıb
00:37 / 10-06-2017
“Azərbaycan” parkı məhv edilərək sıradan çıxarıldı
14:43 / 08-06-2017
Aslan Sultani: İran seçkilərində islahatçıların qorxu kampaniyası yaxşı işlədi
22:57 / 05-06-2017
6 türk fəalın məhkəməsi başlayıb
01:00 / 03-06-2017