BÜTÖV AZƏRBAYCAN OCAQLARI
Türk Bölgələri Fraksiyasının keçirdiyi iclasda hansı məsələlər müzakirə olunub?

17:40 / 15-08-2017   /   baxış - 68

Avqustun 13-də Türk Bölgələri Fraksiyasına üzv deputatlar prezident Həsən Ruhani tərəfindən yeni kabinetə təklif edilən namizədlərlə birgə iclas keçiriblər.

Fraksiyanın sözcüsü, Təbrizin millət vəkili Zəhra Sainin sözlərinə görə, azərbaycanlı deputatlar iclasda önəmli məsələlərə toxunub.

“Bu iclasda millət vəkilləri təmsil etdikləri bölgələrin problemlərindən danışaraq nazir postuna namizədlərdən problemlərin həlli ilə bağlı planlarını açıqlamağı istəyiblər. “Traxtur” futbol komandasına dəstək vermək, ana dilinin tədrisi ilə bağlı konstitusiyanın 15-ci maddəsinin icrası, Urmu gölü böhranı, bölgədə mövcud olan su böhranı və s. deputatlarla kabinetə namizədlər arasında müzakirə olunan əsas mövzular olub.

Z.Sai “Xəbər Online”ın müxbiri ilə danışıqda 15-ci maddənin icrasını Azərbaycan əhalisinin əsas istəklərindən biri olduğunu deyərək qeyd edib ki, “bu barədə Kəşfiyyat naziri postuna təklif olunan namizədə bildirildi ki, 15-ci maddənin icrası üçün lazımi şərait yaradılmalıdır. Bu məsələ təhlükəsizlik məsələsi kimi qələmə verilməməlidir.”

Azərbaycanlı millət vəkili əlavə edib ki, hələlik kimsənin namizədliyi irəli sürülmədiyi Elm, tədqiqat və texnologiyalar naziri postuna bir azərbaycanlının gətirilməsinə cəhd göstəriləcək.

Z.Sai xəbər agentliyinə verdiyi müsahibədə təəssüflə “Türk Bölgələri Fraksiyası” deyil, rejim tərəfindən gizlicə təhmil edilən “Şimal-qərb Deputatları Fraksiyası” ifadəsindən istifadə edib.

Bir çox millət vəkili rejimin bütün təzyiqlərinə baxmayaraq “Türk Bölgələri Fraksiyası” ifadəsini saxlamağa çalışdığı halda, Təbrizin millət vəkili Məsud Pezeşkiyan da anti-türk cərəyanların nümayəndəsi kimi Teleqram kanalında “Türk Bölgələri Fraksiyası” ifadəsinin əvəzinə “Ölkənin Şimal-Qərb Fraksiyası” sözündən istifadə edib.

Bu arada Urmiyənin millət vəkili Nadir Qazipur yeni nazirlər  kabinetində daha çox türk nazirə yer verilməsi ilə bağlı verdiyi açıqlamaya qarşı çıxış edib. millət vəkili “Anac”xəbər agentliyi ilə qısa danışığında bildirib ki, “biz Nazirlər Kabinetinə namizədlərə fraksiya prinsipi ilə deyil, namizədlərin qabliyyəti və bacarığına əsasən səs verəcəyik.”

“Biz yeni nazirlər kabinetində Azərbaycandan bir neçə nazir görmək istəyirdik, lakin bu mümkün olmadı. Hər halda Elm, tədqiqat və texnologiyalar naziri vəzifəsinə bir türkün gətirilməsi məsələsi gündəmdədir”- deyə N.Qazipur bəyan edib.

Xəbər verdiyimiz kimi, İranda ikinci dəfə prezident seçilən Həsən Ruhani avqustun 8-də yeni kabinetə namizədləri parlamentə təqdim edib.

Təqdim olunan siyahıda nazir postlarına yer alan 17 namizəddən 3-ü istisna olmaqla digərləri fars bölgələrindəndir. Elm, tədqiqat və texnologiyalar naziri vəzifəsinə namizədin adı isə daha sonra açıqlanacaq. Yeni hökumət üzvlüyünə namizədlər arasında qadın yoxdur.

Nazirlər Kabinetinə namizədlərin siyahısı parlamentə təqdim olunmadan Urmiyənin millət vəkilləri Nadir Qazipur və Ruhulla Həzrətpur 12-ci hökumətdə daha çox türk nazirlərinin yer almasını tələb etmişdilər.

“Cənab prezident, nazirlərin siyahısında, türklərin sayı artırılsın. Əgər bacarıqlı, mütəxxəssis və məsuliyyətli türk əsilli nazir təqdim olunmayacaqsa, o zaman Fraksiyaya üzv olan 110 türk millət vəkilindən yeni nazirlər kabinetinə etimad rəyi gözləməyin. Öz ləyaqətini sübut edən parlamentdəki millət vəkilləri, bacı və qardaşlarımızdan nazirlər kabinetində istifadə olunmalıdır”- deyə N.Qazipur vurğulamışdır.



“Bütöv Azərbaycan məsələsi Şəhriyarın yaradıcılığında” mövzusunda diskussiya keçiriləcək
23:14 / 21-02-2018
Türk Mədəniyyət Araşdırmaları Klubunun bir qrup üzvü BAO İstanbul Təmsilçiliyini ziyarət ediblər
19:56 / 23-01-2018
İranda kütləvi etirazlar davam edir, aksiyaçılar “Bəsic” qəragahına od vurublar- VİDEOLAR
21:45 / 06-01-2018
Molla rejiminə qarşı etirazlar səngimək bilmir, bir neçə şəhərdə etirazçılarla hökumət qüvvələri arasında qarşıdurma yaranıb- VİDEOLAR
02:17 / 05-01-2018
Güney Azərbaycan şəhərlərində keçiriləcək etiraz aksiyasına Çağırış
02:12 / 05-01-2018
İstanbulda “21 Azər” hərəkatı ilə bağlı geniş tədbir keçiriləcək
19:24 / 15-12-2017
Ərdəbildə azərbaycanlı siyasi məhbusların azadlığını tələb edən posterlər asılıb – GÖRÜNTÜ
19:58 / 08-12-2017
Paniranistlər dərsliklərdə Ermənistan üçün uydurma tarix yaradır
22:34 / 29-10-2017
Hər bir güney azərbaycanlı bir növ milli ruh daşıyır - Türkiyə parlamentinin keçmiş deputatı - Video
22:26 / 29-10-2017
Ərdəbildə milli-mədəni fəal Mehdi Dustdar saxlanılıb
22:25 / 29-10-2017
Mühəndis Əmani vəfatının 9-cü ildönümündə anılıb
22:21 / 29-10-2017
İraq Türkmən Cəbhəsinin lideri Ərşəd Salehidən Güney Azərbaycan türk millətinə növbəti təşəkkür Mesajı
01:11 / 25-10-2017
Əhər məhkəməsi 7 fəalı 58 ay həbs cəzasına məhkum edib
00:54 / 25-10-2017
Azərbaycanlı fəallardan Kərkükdə dəstək – Urmiyədə / Video və Görüntü
12:28 / 22-10-2017
Türk dili və ədəbiyyatının payız kursları fəaliyyyətə başlayır – Zəncanda
00:44 / 14-10-2017
Türk dilinin tədrisi Şərqi Azərbaycanın əsas prioritetlərindən biridir - Azərbaycanlı millət vəkili
21:33 / 26-09-2017