BÜTÖV AZƏRBAYCAN OCAQLARI
Güney Azərbaycan əhalisi Türkiyə və Azərbaycan kanallarına baxır – İran televiziyasının rəhbəri şikayətləndi

23:56 / 13-06-2018   /   baxış - 1895

İran Radio və Televiziya Təşkilatının Şərqi Azərbaycan vilayətində yayımlanan “Səhənd” telekanalının rəhbəri peyk üzərindən yayımlanan Türkiyə televiziya kanalları ilə qeyri-bərabər bir rəqabətdə olduqlarını ifadə edib.

Turkustan.info “Amerikanın səsi”nə istinadən verdiyi xəbərə görə, Seyyid Mühsin Lətifi bu sözləri iyunun 10-da İran İslam Respublikasının rəsmi orqanı olan “İran” qəzeti ilə müsahibədə dilə gətirib.

Təbrizdə əhalinin 75 faizinin TürkSat üzərindən yayımlanan telekanalları izlədiyini bildirən Lətifi, həmçinin deyib: “Bizim türk dilində hazırladığımız teleseriallar da bir çox izləyicini cəlb edir, amma Türkiyə kanallarında olan davamlılıq, müxtəliflik və nüfuz qabiliyyəti bizdə yoxdur”.

O, Şərqi Azərbaycan vilayətinin “Səhənd” telekanalının üç fərqli cəbhədə rəqabətdə olduğunu önə çəkir:

“Ən başda, əhali ilə geniş şəkildə ortaq dil və mədəniyyətə sahib olan TürkSat peykinin kanalları var. Bu kanallar bizimlə müştərək olan mədəni ünsürlərdən çox istifadə edirlər. İkincisi, İranın mərkəzi televiziya kanallarıdır ki, büdcələri bizimki ilə müqayisə edilməz həddə yüksəkdir. Üçüncüsü isə, sosial şəbəkələrdir.”

Seyyid Mühsin Lətifinin bildirdiyinə görə, Səhənd kanalının tədqiqat mərkəzi Təbrizdə Türkiyə telekanallarına rəğbət ilə əlaqədar bir araşdırma aparıb.

Bu araşdırmaya görə, Təbriz əhalisinin 44 faizdən çoxu peyk antennalarından istifadə edir. Əhalinin 75 faizi isə TürkSat üzərindən yayımlanan Azərbaycan Respublikası və Türkiyə kanallarını izləyir.

İran qəzetinin müxbiri Türkiyə telekanallarının İranda sadəcə türklər deyil, qeyri-türklərə də geniş təsir göstərdiyini önə çəkib. Lətifi deyib ki, bu problemə qarşı mücadilə etmək üçün ölkə səviyyəsində milli iradə və media fəaliyyətinə ehtiyac vardır. İran qanunlarının vətəndaşların peyk antennalarından istifadə etməsini yasaqlamasına baxmayaraq, ölkənin bir çox bölgəsində, xususilə də Azərbaycan vilayətlərində əhali peyk vasitəsi ilə xarici televiziya kanallarına tamaşa edir.

Bəzi İran millətçiləri İran Azərbaycanında uşaqların peyk vasitəsi ilə Türkiyə kanallarının yayımladığı filmlərdən türk dilini öyrənməsini “ölkənin milli təhlükəsizliyinə qarşı təhdid” kimi dəyərləndirir və məsulların bununla bağlı ölçü götürməsini istəyirlər. 

Strateq.az



İraq Türkmən Cəbhəsinin sədri Prezident İlham Əliyevə təbrik məktubu göndərib
10:01 / 06-12-2020
““Barış pınarı” Hərakatı regionun geosiyasi təlatümləri fonunda” mövzusunda növbəti diskussiya keçiriləcək
10:33 / 26-10-2019
İran səmasında ABŞ-ın məşhur U-2 kəşfiyyat təyyarəsi görünüb
23:09 / 13-07-2019
Kərkük terror hücumuna məruz qaalıb
22:57 / 01-06-2019
“ABŞ - İran qarşıdurmasında Azərbaycan” mövzusunda növbəti diskussiya keçiriləcək
21:21 / 16-05-2019
Dünya Türklərinin İttifaqının BİLDİRGƏSİ - 27.04.2019
00:27 / 13-05-2019
“Azərbaycan – Avropa Birliyi zərurəti və təhlükələri” mövzusunda növbəti diskussiya keçiriləcək
00:21 / 19-04-2019
“Genişlənən NATO və Cənubi Qafqaz” mövzusunda növbəti diskussiya keçiriləcək
23:34 / 27-03-2019
BAO-nun Türkiyə təmsilçisi Babək Türkoğlu İYİ partiyası yetkililəri ilə görüşüb
17:31 / 20-03-2019
“ABŞ-İran münaqişəsində Azərbaycan məsələsi” mövzusunda növbəti diskussiya keçiriləcək
01:56 / 08-11-2018
BAŞSAĞLIĞI
15:33 / 02-08-2018
Makıda keçirilən futzal yarışında milli şüarlar səsləndirilib
19:55 / 19-06-2018
Bozqurd işarəsi Güney Azərbaycanda türk kimliyini göstərmək anlamına gəlir – Türkiyənin keçmiş millət vəkili
19:46 / 19-06-2018
Xamaneinin yaxın qohumları ölkəni tərk etdilər
17:29 / 13-06-2018
Türk dilində yazılmış ilk “İsgəndərnamə” Azərbaycana gətirilib
21:32 / 07-06-2018
“Boeing”, İrana sərnişin təyyarələrinin satışı ilə bağlı müqaviləni ləğv edib: “İrana heç bir təyyarə verməyəcəyik”
15:43 / 07-06-2018