Vladimir Putin: "İstanbulu qaytarıb Konstantinopol edəcəyik"
Agxeber.com Sivilizasiyalar və konfliktlər analitik mərkəzinin rəhbəri Əhəd Məmmədlinin Putnin bu çıxışına münasibətini öyrənib.
Ə.Məmmədli Putinin çıxışını belə şərh edib: "Rusiya prezidenti Putin provaslav ruhanilərlə görüşdə "İstanbulu qaytarıb Konstantinopol edəcəyik" demişdir. XXI əsrdə özünü sivil ölkənin prezidenti adlandıran şəxs bu cür sərsəm çıxışlar etməməlidir. Bu tipli çıxışlar Putin Rusiyasını, Stalin Rusiyası və Hitler Almaniyasından heç cür fərqləndirmir. Putin özünü Rusiyanın gələcək çarı və ya general sekretarı (qensek) qismində görür, yəni birinci Pyotr ya Stalin olmaq istəyir. Bu şəxs təkcə Türkiyəyə deyil Avropaya da böyük təhlükədir. Və hər dəfə öz addımları ilə bunu təsdiqləyir. Əgər Qərb liderləri yeni Stalin və ya Hitlerin peyda olmasını, bununla da tarixə Çemberlen kimi düşmək istəmirlərsə rus faşist Putinin qarşısını sözlərlə deyil artıq qətiyyət göstərib əməllərlə qarşısını almalıdırlar. Yoxsa çox keçməz rus tankları yenidən Varşavada, Berlində peyda olarlar. Hələlik rus təcavüz siyasətinə qarşı müqaviməti Rəcəp-Tayyip Ərdoğan simasında Türkiyə cumhuriyyətində görürük. Bunu artıq Şərqi Avropada da görürlər və türk əsgərlərini öz ölkələrinə dəvət edirlər. Qərbi Avropa isə pkk-çı terroristlərini Türkiyəyə qarşı silahlandırmaqda davam edir. Sanki Ukrayna, Gürcüstanın bir hissəsin işğal edən, gecə-gündüz Suriyada sivil əhalini bombalayan Rusiya deyil Türkiyədir.
Putinin İstanbulu Konstantinopol "edəcəyik" tipli sərsəmləməsinə gəldikdə isə, Pyotr, Aleksandr, Nikolay, Stalin simasında əsrlərdi bu rus xülyası Çar və Sovet Rusiyasının sonuna çıxdı. Görünür tarix təkrarlanıb, Rusiya Federasiyası adlı son rus dövləti də eyni aqibəti yaşayacaq."
Agxeber.com
0
1153