Ermənistanın Xarici İşlər naziri Edvard Nalbadyan Livandan sonra, Suriyaya səfər edib.
Avropa.info xəbər verir ki, Nalbadyanın başçılıq etdiyi nümayəndə heyətinin səfəri Suriyanın xarici işlər naziri Valid Muallimin dəvəti əsasında baş tutub.
Bu dəqiqələrdə Nalbadyan Suriya diktatoru Bəşər Əsədlə görüşür. Görüş zamanı Bəşər Əsəd Suriya hökumətinə verdiyi dəstəyə görə, Ermənistana təşəkkür edib.
Qeyd edək ki, Suriyada baş verən olaylarla bağlı rəsmi Ermənistan Bəşər Əsədi dəstəklədiyini bəyan edib. Ermənistan prezidenti Sarkisyan Bəşər Əsədi prezident "seçilməsi" münasibəti ilə təbrik edən azsaylı dövlət başçılarındandır.
Dünya KİV-lərinində yayılan məlumatlarda isə Ermənistandan gedən çoxlu sayda muzdluların Əsəd ordusunda vuruşduğu yazılır. Həmçinin, Suriyada yaşayan ermənilər də Əsədi dəstəkləyir.