BÜTÖV AZƏRBAYCAN OCAQLARI
Fəridə Buyuran: "Amerikalıların Azərbaycan kulinariyasına marağı artır" [Müsahibə]

15:58 / 14-07-2016   /   baxış - 269

ABŞ-da İngilis dilində çap edilən Azərbaycan kulinariyasına dair ilk kitabın müəllifi Fəridə Buyuran Azərbaycan mətbəxinin Birləşmiş Ştatlarda tanıtdırmağa davam edir. “Nar və Zəfəran” kitabı ilə ABŞ auditoriyasına təqdim olunan xanım Buyuran bu yaxınlarda ilk dəfə Azərbaycan kulinariyasını dərs şəklində tədris edib. Amerikanın Səsinə müsahibəsində Fəridə Buyuran bildirib ki, dərs Los Anceles yaxınlığındakı Santa Monika şəhərində baş tutub. “Dərsin təşkilatçısı dostum 196Flavors.com saytının təsisçisi Maykl Benayi idi. O, hər ay hansısa mətbəx haqqında danışır və may ayını da Azərbaycan mətbəxinə həsr etmişdi. Məndən ekspert kimi ona kömək etməyi xahiş etdi və dəsri 28 Maya həsr etdik”.

 

Santa Monikanın “Stage and Table” məkanında keçirilən dərsə gələnlərin böyük əksəriyyəti amerikalı olub. Fəridə xanım deyir ki, onlar Azərbaycan mətbəxi barədə ilk dəfə eşidirdilər və ilk dəfə Azərbaycan yeməkləri bişirməyə gəlmişdilər: “Dəsrin müddəti 3 saat olduğuna görə bu vaxt üçün menyunu seçdik. Soyuq yemək kimi dolma, amma yalançı dolma hazırladıq. İkinci, ana yemək isə toyuqla döşəməli plov idi. İkincidə ət olduğuna görə, ilk yeməyimizi ətsiz etdik və sonda paxlava bişirdik. Gələnlər bu üç yeməyin həm hazırlanmasını, həm də dadını çox bəyəndilər”.

 

Maraqlıdır ki, Fəridə Buyuran birinci sınaq dərsindən sonra bu sahəyə, Azərbaycan kulinariyasının tədrisinə marağını daha da artırıb və indi o, bu işi davam etdirməyi planlaşdırır. O, artıq daimi yemək dərsləri açdığını və bu həftədən etibarən tədrisə başlayacağını bildirir. Fəridə xanım ilk dərslərin öz evində baş tutacağını, sonra isə yaxınlıqdakı kulinariya məktəbləri ilə əlaqə saxlayıb,dərsləri orada keçməyi düşündüyünü bildirir.

 

“Dərslər kiçik qruplar üçün olacaq. Ən çox 10 nəfər dərsdə iştirak edə biləcək ki, hər kəs yeməyi bişirə bilsin. Çünki hər hansı mətbəxlə tanış olmayan hər kəs o yeməyi bişirəndə onu sevə, dadını hiss edə bilər. Ona görə, sinifləri balaca tutmaq və hər kəsin yemək bişirmək prosesində iştirak etməsini təmin etmək istədim. Dərsin sonunda isə hamı birlikdə yeməyi yeyəcək” – deyə Fəridə Buyuran bildirir.

 

“Nar və Zəfəran” kitabının müəllifi dərslərdə tələbələrin əsasən yemək bişirməyi sevən və müxtəlif kilinariyalara maraqlı insanlar olduğunu bildirir.

Fəridə xanım kulinariyanın tədrisi ilə yanaşı, həm də onun mediada təbliği ilə məşğuldur. Bu yaxınlarda o, yerli ictimai radioda Azərbaycan mətbəxi barədə ətraflı məlumat verib. “KCR adlı bir radio proqram var – bu NPR-ın (ABŞ-ın İctimai Radiosu-red.) bir hissəsidir, Kaliforniyadan yayımlanır. Mən onlara məktub yazaraq kitabımı tanıtmağa çalışmışdım, ancaq uzun müddət onlardan xəbər çıxmadı. Bir gün yazdılar ki, kitabınızı gördük, çox bəyəndik və mütləq sizdən müsahibə almaq istəyirik. Keçən həftə studiyalarına getdim və aparıcı Evan Kleymanla görüşərək müsahibə verdim. Aparıcı da Azərbaycan kulinariyasına olduqca böyük maraq göstərdi” – deyə müəllif bundan başqa digər bir proqrama qatıldığını da əlavə edir.

İlk bloqçuluğa başladığı günlərdən tanıdığı Cen Kampus ilk podkastında Fəridə xanımın kitabı barədə danışıb. “Son zamanlar amerikalıların kitaba, Azərbaycan kulinariyasına marağı daha da artıb. Bunu mən media ilə əlaqələndirərdim. Çünki kitabım haqqında bir neçə qəzetdə, xüsusilə “Long Beach” qəzetində böyük bir məqalə yazılmışdı. Daha sonra haqqında danışdığım radio müsahibələr oldu. Bunların hamısının əlbəttə ki, öz rolu var” – deyə Fəridə Buyuran bildirir.

 

Ən böyük xəyalının Amerika televiziyasında bir proqram təsis etmək olduğunu bildirən müəllif bu yaxınlarda Kaliforniya ştatının Vernon şəhərində “Nar və zəfəran: Azərbaycana kulinariya səyahəti” kitabının təqdimatını və imza sessiyasını da keçirib. ABŞ-da qida delikateslərinin ən böyük distribüteri “Melissa’s Produce”un eksperimental mətbəx laboratoriyasında keçirilən tədbirə 30-dək kulinariya icmalçısı, bloger və jurnalistlər dəvət edilib.

Audio:

http://av.voanews.com/clips/VAZ/2016/07/07/dfd83db5-48ed-4d4d-a8aa-8539e69837d6.mp3

İstinad: Amerikaninsesi.org



Faiq Ələkbərli Ankarada Türk Birliyinin yeni konsepsiyasını açıqladı
21:18 / 29-03-2017
Faiq Ələkbərli: Artıq “dış türklər”, “iç türklər” deyil yalnız Türklər vardır!
21:12 / 29-03-2017
İranın dəstəklədiyi milis dəstələrinin VƏHŞİLİYİ - VİDEO
11:25 / 29-03-2017
0 8 ARDI
Almaniyada İrana casusluqda günahlandırılan Pakistan vətəndaşı həbsə məhkum edilib
11:16 / 29-03-2017
0 5 ARDI
Tramp miqrasiya ilə bağlı yeni fərman imzalayıb
15:55 / 07-03-2017
Xocalı soyqırımı Rus Mədəniyyət və Tədris Mərkəzində yad edilib
01:07 / 20-02-2017
Malayziya polisi Kim Çen Inın qardaşının ölüm faktını təsdiqləyib
11:46 / 15-02-2017
Tramp bu gün Netanyahu ilə görüşəcək
11:14 / 15-02-2017
Ərdoğan: Bölgədə fars millətçiliyinin qarşısı alınmalıdır
14:11 / 14-02-2017
Putin-Tramp görüşünün vaxtı məlum olub
14:05 / 14-02-2017
Yaponiya Rusiyaya etiraz məktubu göndərib
13:40 / 14-02-2017
Rusiya XİN: PKK-nı terror təşkilatı saymırıq
18:29 / 09-02-2017
Elxan Şahinoğlu: Tehran ermənilərlə yenə curlaşıb
10:37 / 04-02-2017
“ABŞ Prezidenti Donald Tranp və qlobal proseslər” mövzusunda növbəti diskussiya keçiriləcək
19:15 / 02-02-2017
Avropa İttifaqı İsrailə qarşı
15:01 / 02-02-2017
2017-ci ildə çevriliş riskinin böyük olduğu ölkələrin siyahısı hazırlanıb - Vaşinqton Post
14:41 / 02-02-2017