10 yanvar 2015-ci il tarixində Bütöv Azərbaycan Ocaqlarının (BAO) Dil və Tarix Qurumunun təşkilatçılığı ilə “Azərbaycan aşıq sənətinin dünəni və bu günü” mövzusunda növbəti diskussiya keçirildı. Tədbiri giriş sözü ilə BAO Mərkəzi Şurasının üzvü Şirvani Ədilli açdı. O, diskussiyanın mövzusunun əhəmiyyətini vurğulayaraq sözü çıxışçılara verdi.
Tədqiqatçı Qalib Sayılov aşıq sənətinin mənşəyi və inkişafı haqqında danışdı. O, “aşıq” sözünün ərəbcə “eşq”, “aşiq” sözündən gəldiyini, bu sənətin X əsrdən formalaşmağa başladığını və sufiliklə bağlı olduğunu qeyd etdi.
Digər çıxışçı İlhamə Qəsəbova öz tədqiqat sahəsi olan Qazax aşıq mühiti və burada yetişmiş sənətkarlar haqqında danışdı. O, son onilliklərdə aşıq sənəti ilə bağlı bir çox ənənələrin aradan çıxdığını qeyd etdi və 1988-ci ildən Azərbaycanın müharibə vəziyyətinə düşməsinin bu prosesə təsir etdiyini vurğuladı.
Növbəti çıxışçı aşıq, publisis və tədqiqqatçı Məhərrəm Hüseynli Aşıq sənətinin tədqiqi ilə bağlı problemlər haqqında danışdı. O, aşıq sənətinin bir elm sahəsi kimi daha dərindən öyrənilməsinin vacibliyini vurğuladı. Aşıq Məhərrəm çıxışının sonda sazda bir aşıq havası da ifa etdi.
Daha sonra Vurğun Əyyub, Natiq Ulubəy, Aydın Mədətoğlu, Paşa Oğuz, Dilavər Əzimli, Qizqayıt İsalı və b. çıxışçılara verdikləri suallar və mövzu ətrafında irəli sürdükləri fikirlərlə diskussiyanı davam etdirdilər.
BAO İnfomasiya Xidməti
10.01.2015.
VIDEO:
FOTOLAR: