BÜTÖV AZƏRBAYCAN OCAQLARI
Necə ola bilər ki, bütün ömrü boyu Qacar familyasını daşıyan bir insan Türk düşməni o

16:41 / 19-12-2014   /   baxış - 37
Bu günlərdə sosial şəbəkələrdə ən çox hallandırılan məsələlərdən biri də türklüyə qarşı hücumlardır. Statuslarımın birində yazmışdım ki, bu haqda çıxış edənlərin bəziləri "beşinci kolon"un adamaları olmaqla, siqnalı dənizdən gözləyirlər. Bəziləri isə bilməyərəkdən bu səhvə yol verirlər. Bu günlərdə bu məsələdə adı ən çox hallandırılan insanlardan biri də hörmət edtdiyim şəxslərdən biri olan Çingiz Qacardır. Onun haqqında yazdığım statusda qeyd etmişdim ki, bu insan başaqları kimi kiminsə sifarişini yerinə yetirən deyildir. Əksinə, onu bu məslədə işə qatanlar görünür ki, sifariş əsasında hərəkət ediblər. Düzü, bu qənaətə ona görə gəlirəm ki, bu gün o adamla görüşəndə onun kimliyi və necə adam olduğu bir daha təsdiqləndi. Bu adamı kitablarından tanıyıram. Qacar nəslinin nümayəndələrindən biridir. Qacarlarla bağlı kitabların müəllifidir. Onun müsahibəsini oxuyanda özümüə gələ bilmədim və milli hisslərim hər şeyə üstün gəldi. Yazdım ki, artıq Çingiz Qacara olan hörmətim yoxa çıxdı. Ürəyimdə bir şübhə qalmışdı. Bu şübhə məni bərk narahat edirdi. Ona görə də onunla görüşə qərar verdim. Görüş Bütöv Azərbaycan Ocaqları adından təşkil olundu. Görüşdə BAO-çular Faiq bəy və Elədəniz bəy də iştirak edirdi. Bu görüşdə həm də çox illik dostlarım Teymur bəy və Mursalam bəy də var idi. Çingiz Qacarın evi sanki bir muzey idi. Azərbaycan tarixi muzeyi… Doxsan yaşll bu insana qulaq asdıqca adama ləzzət edirdi. Bu insane nə qədər kübar insane imiş!!! İlk baxşıdan onun nə qədər səmimi olduğunu gördüm. Hiss etdim ki, bu adama qarşı düzgün hərəkət etməyiblər. Bu adam fizika və riyaziyyat üzrə mütəxəssisdir, amma ona verilən suallar tarixi suallardır. Bu adama qarşı belə hərəkətlər yolverilməzdir. Dəyərli juranlistlər, gəlin bu cür insanlarla müsahibə aparanda ona konteksdən kənar sual verməyək. Ona öz sahəsi üzrə sual vermək lazımdır. Mən bu insanın necə bir vətənpərvər olduğunu gördüm. Bu insanı qardaş Türkiyədə yaxşı tanıyırlar. Ona orada xüsusi mühafizə veriblər. Mənə dedi ki, "necə ola bilər ki, bütün ömrü boyu Qacar familyasını daşıyan bir insan Türk düşməni ola bilər?". Bu insan Sovetlər dönəmində də Qacar familyasını daşıyıbdır. O zaman bu asan məsələ deyildi. Dostlar, bizim bəzi yaşlı nəsil azərbaycanlı və Türk sözlərində bəzən aydınlıq tapa bilmirlər. Buna görə də onların üzərinə getmək üçün ilk növbədə onlarla görüşmək lazımdır. Mən də bunun üçün bunu etdim. Bu insan Azərbaycan tarixi üçün çox şeylər edibdir. Türkiyədə onun rəhbərlik etdiyi elmi mərkəz vardır. Qacar nəslinin nümayəndəsi ilə şəkil çəkdirməyə də həvəslə razı oldu.
BAO RƏHBƏRLİYİ AKADEMİK ÇİNGİZ QACARLA GÖRÜŞDÜLƏR Bu gün “Bütöv Azərbaycan Ocaqları”nın rəhbərliyi məşhur Qacarlar nəslinin nümayəndələrindən olan Bəhmən Mirzə Qacarın nəticəsi, fizika-riyaziyyat elmləri doktoru, professor,Azərbaycan Milli Elmlər Akademiyasının akademiki Çingiz Qacarla görüşdülər. Görüşdə BAO Başqanının ideoloji məsələlər üzrə müavini, tarix üzrə fəlsəfə doktoru, dosent Dilavər Əzimli, Türk dünyası ilə əlaqələr üzrə müavini, fəlsəfə üzrə fəlsəfə doktoru, dosent Faiq Ələkbərli, BAO-nun Türk Dünyasını Araşdırmalar Qurumunun rəhbəri, pedaqogika üzrə fəlsəfə doktoru Eldəniz Abbaslı iştirak edirdilər. Görüş əsnasında Azərbaycan tarixinin müxtəlif dövrləri ilə, xüsusən Qacarlar sülaləsi ilə bağlı müzakirə aparıldı. Daha sonra Çingiz Qacar ondan alınlmış və bəzi internet saytlarında yayımlanmış müsahibəyə toxundu. Qeyd etdi ki, çox təəssüf ki, müsahibədə dediyi fikirlər kontekstən çıxarılmış və bununla da ictimaiyyət arasında onun haqqında mənfi rəy formalaşmışdır. Akademik vurğuladı ki, bununla bağlı hazırlanmış təkzib məktubu saytlara göndəriləcəkdir.
Söhbətin sonu
Mesaj yaz...